Bu yazıda sığorta auksionlarında avtomobilləri necə düzgün axtarmaq və seçmək yollarını sizə qısa şəkildə izah edəcəyik.
Nəzərinizə çatdıraq ki, bizim şirkət bu işləri üzərinə götürərək sizin işinizi asanlaşdırır, sizin üçün ən sərfəli təklifləri təqdim edir və məhsulun çatdırılmasını təmin edir.
Bu məlumat həm Copart, həm də IAAI auksionlarına aiddir. Təsvir IAAI auksionu nümunəsindən istifadə edilərək aparılacaq, çünki bu auksion istifadəçilərin başa düşməsi üçün daha çətindir və eyni zamanda uzun vaxt dayanan avtomobillərin alınması baxımından daha cəlbedicidir.
IAAI auksionunda demək olar ki, bütün avtomobillər sığorta şirkətləri tərəfindən satılır. Copart auksionunda isə çox sayda maşın Dilerlər (sadə şəkildə desək alverçi-lər) tərəfindən satılır. Bu cür avtomobillər tez-tez gizli və ya gizlədilmiş zədələrə malikdirlər. Bundan əlavə, Copart üçün daha sadə qeydiyyat tələblərinə görə daha çox alıcı var və nəticədə alıcılar arasında IAAI-dən daha böyük rəqabət var.
www.iaai.com saytına daxil olduqdan sonra hərracın ana səhifəsinə aparılırsınız. İstifadənin rahatlığı üçün səhifəni fırladaraq dili rus dilinə dəyişə bilərsiniz (Azərbaycan dili təəsüf ki, yoxdur).
Səhifənin yuxarı hissəsində açılan bir menyu görəcəksiniz. “Nəqliyyat vasitələri” bölümündə nəqliyyat vasitələrini axtarmaq üçün hazırlanan iki seçim var: ətraflı axtarış və Fast Search (sürətli axtarış). Sol tərəfdəki axtarış səhifəsinə baxsanız müxtəlif axtarış parametrlərini təyin edə biləcəyiniz filtrləri görəcəksiniz. Onların əksəriyyəti öz-özünə asan başa düşülən və izahlıdır, amma biz yenə də bəzilərini nəzərdən keçirəcəyik. Göstərilən parametrlər üzrə maraqlı olan avtomobilləri filtrasiya etdikdən sonra bəyəndiyiniz avtomobili nəzərdən keçirərkən nələrə diqqət etməli olduğunuza keçək.